اسلام آباد۔14اپریل(اے پی پی)وفاقی وزیر اطلاعات و نشریات عطاءاللہ تارڑ آکھیے جو پاکستان دا سبز پاسپورٹ فلسطین کاز دا علمبردار اے، اساں اسرائیل کوں کݙاھیں نسے منیندے، ساݙے پاسپورٹ اچ واضح درج اے جو اے پاسپورٹ اسرائیل کیتے کار آمد نئیں، فلسطین امت مسلمہ دا مشترکہ کاز اے، پاکستان ہر عالمی فورم تے فلسطینی عوام دے حق اچ آواز چیندا رہسی۔ قومی اسمبلی اچ الیندے انہاں آکھیا ء??و معراج شریف دے بابرکت سفر دا آغاز مسجد اقصیٰ توں تھیا ہا اتے اڄ تئیں مسجد اقصیٰ ساݙی راہ ٻھلیندی اے، فلسطین دے معاملے تے اساں سارے متفق ہیں، غزہ اچ نہتے فلسطینیاں تے مظالم تھیندے پین، ایں مسلے تے سیاست اتے پوائنٹ سکورنگ توں ہٹدے ہوئے ساکوں عملی اقدامات یقینی ٻݨاوݨا ہوسی، ساکوں اپݨے مسلے ہک پاسے سٹ تے فلسطین دے حق اچ الاوݨا چاہیدے، پاکستانی پاسپورٹ دی دنیا چ ہک نویکلی سنڄاݨ اے جیندے اچ واضح درج اے جو ” اے پاسپورٹ اسرائیل کیتے کار آمد نئیں“ ساکوں اپݨے سبز پاسپورٹ تے ماݨ اے، اے قائداعظم محمد علی جناح دی پالیسی دا تسلسل اے اتے اڄ وی پاکستان ایں پالیسی تے کھڑے۔ انہاں آکھ??ا جو جنوبی افریقہ اسرائیل دے خلاف نسل کشی دا مق??مہ عالمی عدالت انصاف اچ دائر کیتے جیندی پاکستان بھرپور حمایت کیتی اے اتے اپݨا موقف ݙتے، الجزیرہ ٹی وی فلسطین دے معاملے تے کوئی سمجھوتہ نئیں کیتا اتے او پوری مسلم امہ دا ضمیر جگیندا پئے اتے ساکوں ظلم دی حقیقت نال باخبر رکھیندے پین۔ انہاں آکھ??ا جو ورلڈ اکنامک فورم دے ریاض اچ تھیوݨ آلے اجلاس اچ وزیراعظم شہباز شریف ݙوٹوک پاکستان دا موقف پیش کیتے جو اسرائیل نسل کشی کر تے جنگی جرائم کریندا پئے ڄیڑھی بین الاقوامی قوانین دی کھلم کھلا خلاف ورزی اے۔ وفاقی وزی?? آکھ??ا جو پاکستان 1967ء توں پہلے دی سرحداں تے ہک آزاد فلسطینی ریاست دے قیام دے حق اچ اے جیندا دارالحکومت بیت المقدس ہووے، ایں مسئلے تے چپ رہݨ آلے وی انہاں مظالم اچ برابر دے شریک سمجھیے ویسن، پاکستان فلسطین دے 200 توں ودھ میڈیکل طلباءکوں تعلیم جاری رکھݨ دی سہولت ݙتی ڄیکوں ہاسٹل سودھا ساریاں تعلیمی سہولیات ݙتیاں وینداں پین اتے فلسطین کیتے انسانی امداد وی ٻھیڄی اے، اے پاکستان دے احساس ذمہ داری دا ثبوت اے۔ ایں سانڳے وزیراعظم شہباز شریف 3 خصوصی اجلاس سݙین اتے اہم فیصلے کیتن۔ انہاں آکھ??ا جو فلسطین کاز ساݙی بقاء دا مق??مہ اے، مقدس سرزمین ساݙا رشتہ روحانی، دینی و نظریاتی اے اتے کوئی وی پاکستانی یا مسلمان ایندے نال لاتعلق نئیں رہ سڳدا، ایوان ایں معاملے تے کہیں وی سیاست توں گریز کرے، کوشش کریساں جو قومی اسمبلی دی کارروائی دی ویڈیوز ذرائع ابلاغ دے ذریعے فلسطینی عوام تئیں پڄن تاں جو انہاں کوں اے یقین ہووے جو پاکستان انہاں دے نال کھڑے۔
پاکستان دا سبز پاسپورٹ فلسطین کاز دا علمبردار اے، اساں اسرائیل کوں کݙاھیں نسے منیندے، وفاقی وزیر اطلاعات عطاءاللہ تارڑ
اسلام آباد۔14اپریل(اے پی پی)وفاقی وزیر اطلاعات و نشریات عطاءاللہ تارڑ آکھیے جو پاکستان دا سبز پاسپورٹ فلسطین کاز دا علمبردار اے، اساں اسرائیل کوں...
مضمون کا ماخذ : لاٹری کے اعدادوشمار
